میلاد سپهسالار چهان

میلاد سپهسالار عاشورا

گلدی جهانه حیدر ثانی خزان بهار اولدی قارداشی گورجک سئولدی احسن منه ده یار اولدی

جهان اولوب گلشن حسین گوزون روشن

آی پاراسی تک سایه سالوبدی خانه مولایه خبر یتیشدی جنت ایچینده حضرت زهرایه

قوزانوب ال لر باشلادی شکری او دمده یکتایه خبر آپاردی شاد و خرامان آناسی طاهایه

جهان اولوب گلشن حسین گوزون روشن

مدینه اهلی گوردی علی نون ائوی ایشقلاندی باخدولا گویده کناره گونده گوزل چراغ یاندی

دیوب له به به ایشق لی ائودن بو ماه تاباندی بو ماه رویه گویده دیوب له مظهر ایماندی

جهان اولوب گلشن حسین گوزون روشن

حسین پر آچدی زینبی قاچدی گورنده عباسی اویوبدی گوزدن علینین اوغلی او دم گل یاسی

حسن دیوبدی قارداشا قارداش چوخالدوب احساسی قول لارون اوسته زینب آلوبدی اوزون قول عباسی

جهان اولوب گلشن حسین گوزون روشن

قونداقون آلدی قوجاقینه تا اشگین ایدوب جاری بویوردی مولا قارداشوا باخ حسین ، ایدر یاری

بیرگون حسینوم ، ابوالفضل ایلر سنه علمداری قویما گوزندن گوزوه قربان بیر آن بو سرداری

جهان اولوب گلشن حسین گوزون روشن

گویده ملک لر شوق گلوب لر دیوب دلر احسن حسینه قارداش حسین وزیری یاروه یار سن سن

گل تک آچوبسان تاپوبدی سنله هر آن صفا گلشن هاشمی خالی ماه جمالی جهاندا سن تک سن

جهان اولوب گلشن حسین گوزون روشن

آتاسی گورجک قول لارین اوپدی او ماه رخسارین گوزوندن ایلوب حسین آتاسی اشک لرین جاری

دیوب آناسی بویور آقاجان نه گورموسن باری بویوردی مولا بوقولار ایلر حسینیمه سن پروا

جهان اولوب گلشن حسین گوزون روشن

گلن گنوندن دیوب حسینه آقا و یا مولا علی ایدوبدی اوشاقلوقدان حسینینه سقا

دوشنده آتدان گلوب باش اوسته دیوب منم زهرا قوجاقیمه گل ایلمه اوغلوم بو قدری سن پروا

جهان اولوب گلشن حسین گوزون روشن

سکوت ایتمه «رود گل» ایله مدح بو مولانی شاد ایله سنده بو گونده علینی ، زهرانی

چاغور گنان سن صدق دیله له گلن بو مهمانی کرم سن الدن بوگون آلارسان یکه سن احسانی

جهان اولوب گلشن حسین گوزون روشن

نوشته شده توسط در شنبه دوم اردیبهشت ۱۳۹۶ ساعت 19:17 موضوع | لینک ثابت