قبله اهل صفا
درباره سایت
آخرین مطالب
امکانات وب
در هجران فاطمه
بساط غم قوروب علی مزارین اوسته فاطمه غم فراقون ایله یوب منی شکسته فاطمه
دولوبدی غملی سینه مه بو آیرولوقدا چوخلی غم بو غم لره توان یوخوم اولوبدی قامتیمده خم
توکور عضاره گوزلریم سرشکیمی مثال یم اولوبدی شیر خیبرون قفسده بسته فاطمه
منیم بو حالیمه ایدور فغان و ناله سون فلک دوشنده کوچه ده یره سنه من اولمادوم کمک
نه حالدا پاره بولمورم اولوب قباله فدک ایشیدوقوملار ایلیور علینی خسته فاطمه
گئجه زمانی ایله رم سنیله بوردا درد دل تاپانمارام سنون کیمین بیر آشنای بی بدیل
علینی ایله دی عدو آتان رسولیدن خجل علی ده قوش کیمین اولوب پری شکسته فاطمه
غمه دچار اولان زمان غمیمه سینه داغلادون منی غمین گورنده سن من آغلادوم سن آغلادون
یارالاریمی هر زمان اوز الرینن باغلادون منیم ایویمده اولموسان همیشه خسته فاطمه
گورنده روی ماهیوی اورکده غم کوچوب گیدوب فلک ندن علی گل ون سالوب غمه بیچوب گیدوب
ندن عزیز مرتضی شراب غم ایچوب گیدوب قاپی دالوندا اولموسان به خون نشسته فاطمه
حسن دانشموری دئیمور منه او غملی حالتون دگنده سیلی خم اولوب سنون اوجا اوقامتون
آتان گورنده ایله سن بو امتون شکایتون بویور علینون ایدی لر قدون شکسته فاطمه
سنه ویرنده غسل اوزوم قولاقی یاره گورموشم قولاقلارون بیرن یارا بیرینده پاره گورموشم
قیزون باشوندا هر زمان سنیله قاره گورموشم اوگودن اولدی مرتضی دلی شکسته فاطمه
حسین و زینب آدوی دیوله دم به دم منه ندن چاغور موری بیزی آلا قوجاقینه ننه
گوروله گوزلریم توکور هر آتی یاشینی سنه اوشاقلاروندابو غمه اولوبلا خسته فاطمه
مزارینی قوجاقلیوب گوزون یوموبدی مرتضی گوروبدی خوابینه گلوب حسین آناسی دل یارا
سرشک مرتضی آخوب اولوبدی سینه یه دوا ایاقه دور عم اوغلی جان اولوب گسسته فاطمه
قلمده یوخدی بیر دوان یازا غمینده فاطمه خدادن ایسته غم تاپا اورک لر ایچره خاتمه
توتوبدی «رود گل » سنی شفیع به نام خاتمه قبول زحمت ایت خانم حضوره ایسته فاطمه
بو شعری من یازان زمان اورک ایدوب منه گله ندن گتورمدون علی بالاسون آدون دیله
چاغورموسان ابوالفضلی ایشین دوشنده مشکله دیدوم بو اوغلوا فدا اولا بو دسته فاطمه
نوشته شده توسط در چهارشنبه یازدهم اسفند ۱۳۹۵ ساعت 12:38 موضوع | لینک ثابت
برچسب:
نویسنده: مانی رستگار