قبله اهل صفا
درباره سایت
آخرین مطالب
امکانات وب
زینبدی فقط
مکتب فاطمه نون زیورزینبدی فقط مرتضانون دیلنون ازبری زینبدی فقط
کربلا افسرینون خواهری زینبدی فقط ایکی عا لم گویونون اختری زینبدی فقط
یارادیوب خالق اونی فاطمه یه یارو معین فخرایده اوز قیزو نا اولمویا دلتنگ وغمین
اونی گوی اهلی تانور هم تانویور اهل زمین یرگویون صاحبینون گوهری زینبدی فقط
مریم و هاجره عصمتده اولوب باشجا دبیر ویردی معنا سینه معنانی اولوندا اواسیر
معجرین ویرمدی الدن ایلدی دشمنی پیر آرتوران قیمته بو معجری زینبدی فقط
گوهری نابیدی زهرا ایوینون زیب ورزی فاطمه بطنی اونی بسلدی حیدر پدری
شیر زندی یار اولوب خالقی عالی اثری مین لر آیات خدانون دری زینبدی فقط
آدی زینبدی کی زینت ایلیوب هر دوسرا آتاسی حیدره بنزدی ایدر درده دوا
متصل کیمسه اولا اولماز الی خالی رها زین ایدور آتاسی زیوری زینبدی فقط
بیر ایشی گوردی کی مات ایله دی مین لر گیشینی یاندورب حاکم شامین اوز ایوینده ریشینی
رهبری هرنه بویورمشدی گوروبدی ایشینی دییدی شاهه شهدا یاوری زینبدی فقط
خطبه سینن یار ادوب شامیده بیر عالی قیام یولویوب شرقیله غربه بوخانم عالی پیام
چوخ سفیران ملل گورجک اونی ایتدی قیام ختم مرسل اولانون دلبری زینبدی فقط
چوخ مصیباته دوچار اولدی جهاندا بو خانم آدی چون ذکرو دعا اولدی بیاندا بو خانم
حیدرون آدون ایدوب ذکر عیاندا بوخانم بودلاور کشینون بنزری زینبدی فقط
بیر حماسه یاردوب مات قالوب عرش و زمین باش اگوب عزت و شانینه یساریله یمین
ایلدی قانلی پیامینه شه عالم امین بعد عاشور قیام رهبری زینبدی فقط
گر اسارتده امام زمنی حاضریدی یارالی قول لاری باغلی غمیلن ناظریدی
آتاسی نایب ایدن بو ایشه چوخ ماهریدی عرشیدن فرشه سالان کافری زینبدی فقط
یازدی زینب آدونی لوحینه عالم لره رب آناسی فاطمه تک اولدی خانم زینت اب
فخرایدوب ذکرو دعاسین ایشدوب نیمه شب باش اوجا ایله ین عالم لری زینبدی فقط
عفت و عصمته معنادی پیمبر نوه سی عشق و ایثاریده دریادی پیمبر نوه سی
نایب حضرت زهرادی پیمبر نوه سی اهل بیتون دیلنون ازبری زینبدی فقط
دیمه زینب دینه بیر عالمه دی یوخدی تایی بی معلم ایله دی فتح اوزی گوی لرده آیی
ویردی زهرایه خداوند بو گوز لیک ده پایی عالمین قیزلارونون افسری زینبدی فقط
هدفینه گوره ویردی حقه خاطر ایکی گل گل لری پرپر اولوب شکوه یه آچموبدی اودیل
زینبون آدیله او سینه د کی غم لری سیل عالمین غم لرونون بستری زیبندی فقط
معجری باشدا ویروب عصمتی دنیایه نشان حرمت آل علی اولمادی دنیاده نهان
گر ویروب یتمیش ایکی پاک سیر لر اوزی قان بو ایشیلن شهدا بنزری زیبندی فقط
در و دیوار آراسیندا آناسی قالدی اگر سینه سون یاره ایدوب فاطمه نون میخ او در
قویمادی تک قالا او حالیله شاهنشه دهر فاطمه مثلی هر آن مظهری زیبندی فقط
مکتب حیدر روز هراده سخنوری خانم آناسی فاطمه تک داور محشردی خانم
ظلم اولان یرده اوزی مظلوما یاوردی خانم آتاسیلا آناسی باوری زیبندی فقط
شرط عاشق بودی اولده اوزون باور ایده ایشینه هم عملینه اوزنی داور ایده
هم بلا گونده نگارینه اوزون یاور ایده یوم عاشوریده دین یاوری زینبده فقط
کوفه و شامی ایدوب خطبه لری زیر و زبر اولماسیدی بو خانم اولمازدی دینه ثمر
شهدا قان لاری قویمازدی بو دنیاده اثر شجر دینون اولان چون بری زینبدی فقط
آسمانه شرفه کیمدی گوزل کوکب اولوب آناسی فاطمه تک محو نماز شب اولوب
بو قیزون مثلی مگر کیمدی کی زین اب اولوب بش جه معصومین اولان دلبری زیبندی فقط
قانلی گودالی ایدوب کعبه یه بنزر او طواف قارداشی گیدوقی یول لاری خانم ایله دی صاف
قانلی بو معرکه ده حفظ ایله دی گورنه عفاف گوردی عالم شهدا بنزری زینب دی فقط
صبریده شهرته ایوبه چکوب قرمزی خط قان قیامینی خانم قویمادی دشمن ایده ضبط
عشق و ایثارینی ایلوبدی اسبرانه چو شط سد ایدن قمچی لرین ال لری زینبدی فقط
زینب و فاطمه اولموشیدی حجاب اهلینه یار امر معروفی ایدوبدی عملینن او شعار
ویروب اوز معجریلن اهله حجابه او وقار معجریلن بوگویون اختری زیبندی فقط
کوفه ده ابن زیادن ایوینی ایتدی خراب خطبه سونن اونی رسوا ایله دی ویردی عذاب
کوفه نون اهلی ایشدی او زمان حرف حساب گوردولر معرکه نین داوری زینبدی فقط
سولدی زاده ی مرجانینه یابن الطولقا سوزونی تیر کیمین ایتدی گوروب اهل دغا
دانوشان زینب اولوب سوزلری چون شیر خدا دیریدن شامیده او حیدری زینبدی فقط
الده شمشیری یوخویدی سوزی شمشیر ایلیوب هر یرده قویدی قدم خطبه لرین تیر ایلیوب
حق دیوب حق دانشوب دشمنینی پیر ایلیوب گورسدن دشمنینه محشری زینبدی فقط
کربلایه اولوب اعزام اولا تا شاهد قان گوزیاشون اسلحه ایتسون بو قیامه ویره جان
قارداشونون هدفین ایله یه دنیایه بیان کربلانون او پیام آوری زینبدی فقط
اسرایه بو خانم رهبر اولوب مثل حسین خرداجا قیزلاری حفظ ایلدی او مثل دو عین
گوردولر خطبه اوخور معنی سی قرآن مبین دیریدن بیرده علی حیدری زینبدی فقط
مونسی اولدی بلا ایچره قولی باغلی نماز ایتدی شکر خالقینه آچدی اونا دست نیاز
فاطمه مثلی ایدوب زینبی ده سوز و گداز آناسی فاطمه ی بنزری زینبدی فقط
آلدی قانلی علمی چیگنینه دوشدی اویولا حق صراطین یول ایدوب باخمادی صاغه یا صولا
قویمارام لکه دوشه دینه بو زینبده سولا بو زمان رهبر دین باوری زینبدی فقط
فاتح شاهین اولوب قسمتی گلسون بو یره عمرونون آخریده گوز تیکه تا دور و بره
گوره تن پوش حسینون اونا خاطردی قره منتظر بوردا اونا خواهری زینبدی فقط
« رود گل » زینبون احوالینی سن ایله مرور هدفون حق یولی اولسون ایله بو یولدان عبور
شهدا قانینی ساتما اوزوی ایله مه دور شهدا محضرینون داوری زینبدی فقط
نوشته شده توسط در چهارشنبه بیست و نهم دی ۱۳۹۵ ساعت 12:10 موضوع | لینک ثابت
برچسب:
نویسنده: مانی رستگار