یافاطمه الزهرا

یا فاطمه الزهرا

ای دختر پیغمبر یا فاطمه الزهرا دنیایه او لان دلبر یا فاطمه الزهرا

باب کرمه سن در یا فاطمه الزهرا عاشقدی سنه حیدر یا فاطمه الزهرا

بانوی دو عالم سن سن دلبر خاتم سن سن کوثر و زمزم سن طوفانه اوزول یم سن

سن هاجر ومریم سن سن صاحب پرچم سن دین کشتی ستیه لنگر یا فاطمه الزهرا

گوهردیمرم گوهر سنله تا پوری ارزش دنیا سنون آدیله گردش اپلپور چرخش

زهرا ادی اپلوبدی دشمن لری مات وکیش بو چرخش سن محور یا فاطمه الزهرا

سنده یارادوب خالق چوخ حسن و کمالاتی خلق ایتدی سنه خاطر فرشیله ، سماواتی

زهرا باش اوجا ایتدی دنیا بو بی ساداتی ای امته تک مادر یا فاطمه الزهرا

اون دوت گولوله دنیا ، بنزوبدی گلستانه هر تکی تکی دور پایه ، اسلامیله قرآنه

عشقیله کرامتله ، گلدی له بو میداانه خالق یارادوب برتر یا فاطمه الزهرا

دنیادا گوزلیک لر اولدی سنیله زیبا اوز بسلدوقون سسلوب پیغمبر حق امما

آرامشی تاپمازدی دنیاده علی تنها باش ائدی سنه رهبر یا فاطمه الزهرا

سن ویرموسن هر باغه هم عطریله شادابی باعث سن آچوب خالق باغه ارمه بابی

کل بوجهانون وار اون دوت نفر اربابی کیم دور اولار بنزر؟ یا فاطمه الزهرا

گورسون سنی گوی اهلی چوخ ایتدی مباهاتی

حقه ساری ال قوزوب ایلوب له مناجاتی گوی اهلینه سن سرور یا فاطمه الزهرا

ااقرار ایلوب عشقن عیسیله موساده یولوبدی سلام خاص هرگون رب اعلاده

امر ایتدی قیام ایتسون گورجک سنی طاهاده ای برتر و ای مفخر یا فاطمه الزهرا

بی اذن قدم قویماز درباریوه خاص و عام امر ایلمسن جبرئیل ایتمز بیر ایشه اقدام

بیر عاشقه سن ویردون اوز الزبونین جام عاشقدی سنه حیدر یا فاطمه الزهرا

بش عاشقی بیر یرده جمع ایلدی تا خالق اون دوت نقری دنیا رهبر تانویور لایق

کیم بولارونان اولسا دنیاده اولار فایق امر ایلدی او داور یا فاطمه الزهرا

دوقوز آدولا بانو مشهور جهان اولدون زهرایله ، عذر اسن دیل لرده بیان اولدون

هم مرضیه خصلت سن ، راضیه بیان اولدون فخر ایتدی دیین کوثر یا فاطمه الزهرا

کیمدور مگر زهرا اون اوچ نفره مادر تک شاه ولایتدور زهرایه اولوب همسر

نیروی علی سن سن قوزاندی اوگون خیبر فتح اولدی اوگون خیبر یا فاطمه الزهرا

جنت ده سنون عشقن نورانی اولوب بانو یاس و سمن آچدی تا ، گل ویردی او دم شب بو

عشاقیوه سن اولدون هر یرده خانم نیرو شیعه آدیوی سسلر یا فاطمه الزهرا

باش معجرینی یولدون سن شیعه اوچون چون تاج باش معجریوه اولدی چوخلاری یقین محتاج

بو تاجیله هر عورت ایلوبدی گویه معراج گر گوزلسلر بهتر یا فاطمه الزهرا

زینبده آلوب سندن بیر مدرک استادی خصمین گوزونه باخدی چکدی اونا فریادی

دنیایه نشان ویردی پرونده ی افسادی سن بسلموسن دختر یا فاطمه الزهرا

دوقوز ایلون عرضیده حیدر غمه یول ویرموب گر قول لاری باغلاندی دشمن لره قول ویرموب

بیر عمر به غیر از سن آیری کسه دل ویرموب چونکی سندون دلبر یا فاطمه الزهرا

سنده یارادوب خالق عز و شرف و ایمان سنله ابدی اولدی بو عترتیلن قرآن

سنسن ویرن هر آن ، یرله گویه سن فرمان دنیایه اوزون محور یا فاطمه الزهرا

عاشق لروین ذکری هر یرده دی یا زهرا ذکر ایله مین آدون چون مرده دی یا زهرا

«رود گل» در و درگاهن چون برده دی یا زهرا اشعاریمه سن زیور یا فاطمه الزهرا

نوشته شده توسط در چهارشنبه یازدهم اسفند ۱۳۹۵ ساعت 12:32 موضوع | لینک ثابت