دخت ثقلین

دخت ثقلين

د ه گنن اولموياسان لال ديليم دلير آدون زينت ايت قلبوه سن حيدره بو همسر آدون

احتراميله گتوردي ديله پيغمبر آدون گوزونه قويدي صميمانه اوزي حيدر آدون

باش اوجا ايله دي خالق حرمه فاطمه ني محور فرشه ووروبدي علمه فاطمه ني

آدي زينتدي گويه ، يرده اونا يوخدي بدل دنيا بيرده گوره بولمز بو خانم مثلي گوزل

يوخودي آدم و حوا يارانوب دي او ازل آدي سر فصل اولوري هر ياز و يا مثل غزل

گويده كي گون آلوري يرده كي گوندن اوزي نور باش اگور فاطمه نون آدينه آيات زبور

كيمدي زهراكي تاپوب دهريده دوقوز لقبي فاطمه آديلا عنوان اولور عالي نصبي

گويده منصوره آديلا تاپوري تاب و تبي آتاسونا بو خانمدور كي اولوب ام ابي

يارادوب خالق اوزي سئوگوسوني پاك و تميز كل حوراني ايدوب درگهه زهرايه گنيز

راضي خالقدي ايده كيمسه رضا مرضيه ني حكم له داور ايدوب يوم جزا مرضيه ني

اولدي مقبول خدا ايتسه عطا مرضيه ني حق دئين حق دانوشان ايتدي صدا مرضيه ني

نار دوزخدي يري فاطمه ني غملي ايدن ولي همسايه دي زهرايه يولون كيمسه گيدن

راضيه ، مرضيه معنادي فقط فاطمه يه دنيادا تك اوزي دنيا دي فقط فاطمه يه باغ جنتده مصفادي فقط فاطمه يه كوثرين معني سي عظمادي فقط فاطميه يه

آبرو شيعه يه هر آني ويروب دخت رسول گرچه آز عمر ايلوب اولمادي آسوده بتول

طاهره كلمه سيني ايله دي معنا بو خانم ايله دي عفت لن عصمتي زيبا بو خانم

باشدا معجر ايله ير شوريني برپا بو خانم جنته يول تاپان حكمون ايدر امضا بو خانم

شيعه ي حيدره خوش گلدون ايدر روز قيام غنچه لب لر آچولار اولارا ويرسون له سلام كيمدي زهرا كي اونا كفو فقط حيدر اولوب فاطمه آدي بومولايه هرآن ازبراولوب

مجتبايله حسينه بو خانم مادر اولوب كل نسوانه كي يوخ عالم اوچون سرور اولوب

فاطمه گردشه چرخ فلكون محور يدي اون بيرا اوغلون تانوسوز كل جهان سروريدي

آتاسي ختم رسالت اونا تاي گلميه جاق همسري شاه ولايت اونا تاي گلميه جاق

ايدن عدليله قضاوت اونا تاي گلميه جاق اولان اهدافي شهادت اونا تاي گلميه جاق

آناسي شانينه غبطه ايله يوب حور و ملك بير خديجه دي اولوب ختم رسولانه كمك

فاطمه باعث اولوب خلق اولا انباي بشر آدلار ايچره بو خانم تك نفره قوزادي سر

بش آدا زينت اولان آچدي بهشته اوزي در خلقت ايچره تك اوزي اولدي خانم عالي اثر

من فداك اونا سئولوبدي پيمبر آتاسي غير زهرا كيم اولوب اوز آتاسونون آناسي

امر خالقدي اياقينه دورا ختم رسول ايستسه هرنه خانم خالق اوزي ايتدي قبول

انبيا حيرت ايدوب باش تاپا بولموبدي عقول فاطمه آديله اوز نعمتيني ايتدي نزول

كوثرين معني سيدي دهره ياغوبدي بركات قوزا ال فاطمه يه صد قيله يولا صلوات

امر ايدوب اهله سماواته خداوند جهان بو نمازه دايانان فاطمه دي فخر زنان

عزت و شانينه غبطه ايله يور عالميان اونا خاطر دولارنور چرخ زمينيله زمان

ايستسه مندن اگر دنياني تقديم ايله رم جنتي شيعه سونه عشقيله تسليم ايله رم

شيعه يه فاطمه ، زهرا ديئنه ايله ر عمل عشق زهرادي ايدوب شيعه ني دنياده گوزل شيعه گر شيعه اولا يوخ اونا دنياده بدل آدي شيعه ايله ير فسق و فساديله جدل حرمته فاطمه ني ساخلويا هر يرده اولا باشي ياره اولا يا قتل گه قاني دولا سنگر حيدري ترك ايله مدي دخت رسول دوقوز ايل ايله مدي امر ولايتدن عدول اولدي حجب يله حيا اهلينه سر دسته بتول هچ عمل اولموياجاق فاطمه سيز ربه قبول خط قرمزلري عالم لره ويردي اونشان كيمسه دي اهل جنان ؟ دخت رسولي تانويان ظلمه باش اگمدي ظلم ايلمه دي آني و دم ياندوروبلار قاپسون آل علي گوردي ستم غصب ايدوب لر فدكي بيعت ايده اهل حرم دئيدي زهرادي فدا توتمويا حيدر دلي غم توش اولا سينه ي زهرايه قاپي مسماري گوز يومونجا ايده جاق حيدره زهرا ياري درب و ديوار فشارينه داياندي بو خانم حيدري قويمادي تك قانه بوياندي بو خانم حقينه خاطري چون شير ژياندي بو خانم اي جوانان تانويون چوخلي جواندي بو خانم

بير مقامه تاپوب ال قرب خدا اولدي يري اولمويوب مريم و ساراده خانم مثلي بيري

عشقه حيدر خانمون دهريده سرمايه سيدي عشق اگر معني تاپوب فاطمه چون پايه سيدي فاطمه آدي كلام الله هه باخ آيه سيدي حوري و جن و بشر بو خانمون دايه سيدي فاطمه عشقينه صاحب گر اولوب حيدر علي هريره گيدي گوروب فاطمه نوريدي جلي

حيدري حيدر ايدن دهريده زهرادي فقط فاتح خيبر ايدن دهريده زهرادي فقط

عالمه دلبر ايدن دهريده زهرادي فقط صاحب منبر ايدن دهريده زهرادي فقط

بطن زهرا بيجروب شاه شهيد و حسني حاكم ايلوبدي خدا عالمه شاهه زمني

گوزمون نوريدي زهرا بو پيمبر سوزدي قلبيمون شوريدي زهرا بو پيمبر سوزدي

جنتون حوريدي زهرا بو پيمبر سوزدي شمع ديجوريدي زهرا بو پيمبر سوزدي

فاطمه گوي لري تسخير ايليوب تاپدي مقام آدي گل جاق ايليور اهله سماوات قيام

شرق و غربه بالاسي حاكم مطلق دي اونون يازدوقي هم ديدوقي حقيدي ، ذيحق دي اونون

امري هر گردشه هم چرخ لره حقدي اونون نام زيبايه خدادن آدي مشتق دي اونون

سرمه ايليوب آدوني حور و بشر گوزلرينه اقتدا ايله ين الگو ايليوب اوزلرينه

كيمسدور فاطمه نون مدحيني انشاد ايله يه مرتضا مثلي اوزي دلبريني ياد ايله يه

هانسي زن دوركي اوزي دنياني ارشاد ايله يه ظلمه باش اگميه ظالم لري برباد ايله يه

« رود گل » فاطمه دي دخت رسول ثقلين همسر حيدر و هم مادر مولامون حسين

نوشته شده توسط در چهارشنبه بیست و نهم دی ۱۳۹۵ ساعت 12:14 موضوع | لینک ثابت