چانانی قالسون

جـانـانـی قـالـسون

حسین جان ویردی تا جانانی قالسون یازولان حکم له قرآنی قالسون

فراموش اولمویا ایمانی قالسون صداقت ئولمویه وجدانی قالسون

حسین جان ویردی تا جانانی قالسون حسین قانی سالوب دنیایه ریشه حسین قانی اولوبدی کفره تیشه

ویروب اذن جهادی قوم و خویشه قیامون ساتمویوب وامیله فیشه

الینده تا اولان فرمانی قالسون حسین ال ووردی بیر عالی قیامه سفارش ایلیوب خاصیله عامه

عمل کیم ایله یه بیله پیامه یئشمز داعشی دنیاده کامه

جهاندا نام یا عنوانی قالسون

توکور قان کفریلن سفارش ایدن لر ویروب بیعت اله خواهش ایدن لر

اوکی احساس آرامش ایدن لر بیر آیری شخصه آرایش ایدن لر

کی استیلر الینده نانی قالسون گیوب بیر عده قاره یاره آغلور بیر عده درهم و دیناره آغلور

بیر عده یغدوقی انباره آغلور او قانی کی توکور خمپاره آغلور

بیر عده ایستیور شیطانی قالسون

اولارکی جاری ایلوله ربانی سالوبلار بیر بیره کون و مکانی

چکور بیراهه سمتینه جوانی فراموش تا اولا حجب و حیانی

کیم ایستور بیر بئله انسانی قالسون بیر عده آختارور جاه و جلالی بیر عده آختارور نانه حلالی

بیر عده او گئچن ماهیله سالی بیر عده درهم و دینار و قالی

بیر عده آختارور عنوانی قالسون

گلون ای شیعه پرچم سایه سینه باخون سیز کربلانون آیه سینه

حسین اود ووردی اوز سرمایه سینه وروب کیم تیشه ظلمون پایه سین

پیمبر زحمتی طولانی قالسون حسین گلموبدی آلسون تخت و تاجی زر و زوره حسین ویروموبدی باجی

حسین قانی اولوب دنیایه ناجی حسین کرب و بلاده اولدی حاجی

حسین قویموبدی دین زندانی قالسون

حسین مقتلده یولوبدی پیامی کی ظلمون اوسته ایتدی او قیامی

گرک شیعه آلا اوندان کلامی دییه حقی اگر یانسا خیامی

تاپادوز مقصدی هر آنی قالسون حسینله اولان باش بذل ایدوبدی ابوالفضل مثلی قارداش بذل ایدوبدی

باجی، قارداش و یولداش بذل ایدوبدی یزید دنیایه او باش بذل ایدوبدی

کی شمریله سنان آلانی قالسون

سکوت ایندی خیانتدی بو دینه یمن بنزیر او قانلی سرزمینه

چخوبدی ناله لر عرشه برینه ویروب کیم جوابی قوم کینه

بیر عده گیز گلور تا جانی قالسون قبور شامه خمپاره وور ولار جوان باشینه قداره وورولار

قالان زینبدن آثاره وورولار حسینون قلبینه یاره وورولار

سعودی لر، یهود جانی قالسون

خیاباندان یغان یوخ بد حجابی تماشایه قویوبدی پیچ و تابی

تعضن قوزیوب صورت لعابی لب و لوچه توکور بیرونه آبی

جوان راضی دکور پنهانی قالسون اولوب زینب اسیر قالسون حجابی قویوبدی مات ایشینه آفتابی

بیزه خاطر ایدوب بو انتخابی اسارتده او آچموبدی نقابی

بیر عمری تا شهیدلر قانی قالسون

علی تک مه لقا دنیایه دئمز ؟ اولان صاحب لوا دنیایه دئمز ؟

شبیه مجتبی دنیایه دئوز ؟ حسین تک بیر آقا دنیایه دئمز ؟

ویروبلر قان شه مردانی قالسون حسین باش ویرمیوب ظالم تاپاجان اولا آل ویر جهاندا دین و قرآن

اولار نادار دارایه نگهبان اوتورسون باشدا حاجی تا کی سلطان

ضعیفون نصف و نیمه جانی قالسون

ندور بو فانی دنیاده تب و تاب داخی سالمور باشا نورینی مهتاب

گئجه لر اولموشوخ محتاج شب تاب اولوب روح و روان از بس کی بی تاب

بو دور فکری فقط تنبانی قالسون باجونون حقینی ویرمیر ویرور جان ایدور اولادی دوت بش میلیون احسان

گورون کیم لر اولوبلار اوردا مهمان یماقینان اونون ایمانی قالسون

ویره خمس و زکاتی مایل اولمور خدا امرینه حرمت قایل اولمور

ایدن اجرا بو امری سائل اولمور نماز و روزه سی ده باطل اولمور

رضایت نامه ی سبحانی قالسون

بیاباندا گزیر مولا پریشان بیز خاطر اولور گوز یاشی باران

دعاده سسلوروخ گل گل آقاجان گوزومه قوی قدم جانیوه قربان

ولی یوخدی یری مهمانی قالسون ویرن رشوه قالوب فکری هایاندا آلاندا سیر ایدور مین کهکشاندا

و غیبت ده اولور اوردا بویاندا مگر لعن ایتمیوب خالق قرآندا

بولاردی مهدی تا زندانی قالسون

گله مهدی علی قانون ویروبدی حسنده بو ایشه جانون ویروبدی

اولاسر شمر پیکانون ویروبدی حسینده عالی مهمانون ویروبدی

سلامت صاحبه ایمانی قالسون خدایا اذن ویر تا مهدی گلسون عدالت مظهرینون شهدی گلسون

علی نونده ولایت عهدی گلسون اولا کاش « رود گل » هم عهدی گلسون

سر افراز دهریده انسانی قالسون

نوشته شده توسط در چهارشنبه هجدهم اسفند ۱۳۹۵ ساعت 18:29 موضوع | لینک ثابت