قبله اهل صفا
درباره سایت
آخرین مطالب
امکانات وب
بنام علی اکبر(ع)
ماه درخشان گل زیبادی کیم؟
سیرتی پاک عاشقه یکتادی کیم؟
زینت و هم زیور دنیا دی کیم؟
کیم تانیور بیرئیله جه دلبری
هامی نشان وردی علی اکبری
آی دیمرم گونده الوب شرمسار
قلب لری عشقی ایدوب زخمدار
کیمسه دی عالمدن آلوب اختیار
کیمسه تانور ماه ملک منظری
هامی نشان ویردی علی اکبری
کیمدی ا ولوب شبه رسول خدا
قامتی زهرا یریشی مرتضا
اولدی امیر شهدایه بالا
سسلوب آنا فاطمه اطهری
هامی نشان ویردی علی اکبری
گلماقی رونق لی ایدوب گلشنی
عصمت ایوی اولدی اونون مامنی
غنچه زمانی دییدی تز در منی
دامن پاک اولدی اونون بستری
هامی نشان ویردی علی اکبری
مات قالوب نقشه چکن صورته
یوخدی نشانه بو گزل آیته
معنی ویروب عزته هم عصمته
کیمدی مسخر ایله یوب دل لری
هامی نشان ویردی علی اکبری
مکتب درسینده یازیلموش ادیب
تای توشون ایچینده اولوب بی رقیب
چوخلی جوانلار اونی بولدی حبیب
کیمدی ادب ملکونون عالی بری
هامی نشان ویردی علی اکبری
ماه جمالینی توتوب نور حق
باشدان ایاقه گورشور، شور حق
اولموشیدی خلقینه مسرور حق
ایله یوری بیربیله ا جلوه گری
هامی نشان ویردی علی اکبری
قلب لر هجرینده تاپور تاب و تب
بال یاغاجا قدی اولا گر لب به لب
اولدی قولاق صوتینه هر نیمه شب
یا رب و یا رب دی کیمون ازبری
هامی نشان ویردی علی اکبری
دست سخاوت آچا بخشنده دی
اهل کرامتدی ولی بنده دی
قوم وایلی تک اوزی زیبنده دی
احسن العمالون اولوب زیوری
هامی نشان ویردی علی اکبری
آی پاراسون گورماقاهر کویده
صف دوزلوبدی اونا هر سویده
شوق وصالی گوروشوب رویده
یایلادی کیم عطر گل عنبری
هامی نشان ویردی علی اکبری
حسنی حسن، خلقیده احسن علی
کیمسه گوروب سسلدی تک سن علی
گل سن اوزون باغیده گلشن علی
کیمسه یه سئولوب بوسوزی مادری
هامی نشان ویردی علی اکبری
فن جدل ده اونا اولموب حریف
یوخدی جوان لاردا اونا همردیف
بیرکسه باش اگمدی اولموب ضعیف
کیم تانویور بیر ئیله نام آوری
هامی نشان ویردی علی اکبری
حیدرثانی کیمی اوشیریدی
مکتب عرفانی گزیب پیریدی
درسی محبتدی نه شمشیر یدی
عرصه لرین کیمسه اولوب افسری
هامی نشان ویردی علی اکبری
اولدی حسینون دایاقی هر زمان
اوغلونا فخر ایله دی شاه جهان
ایتدی اوزی تک عموسی قهرمان
کیمسدی اوز رهبر ینین یاوری
هامی نشان ویردی علی اکبری
صوته اذانینه خوشی دی حسین
فاطمه اوغلونا اولوب نورعین
بنزر طاهادی گوروب قوم کین
حیدره بنزردی بو نام آوری
هامی نشان ویردی علی اکبری
ایل و تباری کیمی اهل عطا
هاشمیاندا گوروشوبدی سخا
همچو علی بود گل مولای ما
ایتدی عطا چوخلی اونون ال لری
هامی نشان ویردی علی اکبری
قاسم اولوب عم نون اوغلونا تای
هرایکی سی اولدولا دنیایه تای
حاجتی وار "رودگل" وندا بو آی
ایتدی شفاعت چی ایکی دلبری
ویردی نشان قاسمیلن اکبری
مصرع تکراری به عمد اینگونه نوشته شده است
نوشته شده توسط در شنبه دوم اردیبهشت ۱۳۹۶ ساعت 19:24 موضوع | لینک ثابت
برچسب:
نویسنده: مانی رستگار