قبله اهل صفا
درباره سایت
آخرین مطالب
امکانات وب
در ماتم امام صادق (ع)
غم دوباره مرکبه اولدی سوار ظالم ایلوب بیرده ظلمون آشکار
بیت زهرایه هجوم ایتدی عدو اهل بیت اولدی بو غمدن اشکبار
مسجد و منبر دوباره غم توتوب گیدی قاره اگنینه اهل وقار
اولدی پیغمبر بو غمدن غصه لی جنتی ترک ایلیوب با آه و زار
مرتضاده باش آچوق دوشدی یولا شهر یثربده اولوبدی سوگوار
قاره معجر فاطمه باشه سالوب وای اوغول وای سسلور چوخ غصه دار
شهری قاره پوش ایدوبدی اهل دین بو امامه آغلویولار شیعه وار
صادقا واصادقا تاپدی طنین قاره اولدی گوزلره بو روزگار
سس گلوب مسموم اولوبدی شمس دین فکر ایدوب دشمن اولوبدی بختیار
ایستیوب دین پایه سون لرزان ایده حاکم اولسون حکمی تاپسون پایدار
اولماسا جعفر تاپار آرامشی ملک ایماندا اولار او شهریار
لیک بولموب رهنما ایستور بو دین هم اونی تایید ایده پروردگار
هر کیم اولماز صادق آل علی تا ویره دنیا و دینه اعتبار
حق دیین حقه گوره باشین ویرر درگهه حقده گزر چون بنده وار
زور و زر رله کیم تاپوبدی قدرتی چوخ زمان چکموبدی ترک ایلوبدی یار
دوزلو قاکیم باش اگوب کیم باش ویروب سالک صادقده اولماز ننگ و عار
پس نیه ئولدوردی زهرا اوغلونی عالمی ایتدی غمین و سوگوار
آغلادان زهرانی آغلار گوزلری هم اولار دنیا و فیدن شرمسار
باعث خلقت مگر اولار دگور هرنه وار بو امته بو یرده وار
خالق ایلوب اولاری بحر کرم بو قاپویا گلدی حاتم بنده وار
صادق ایلوبدی اوجا شیعه باشون امت صادق اولوبدی بختیار
نور دور نورانی ایلوب دنیانی تاپدی درمانی بویرده دل فگار
درگهه صادق یول اولدی جنته بوش قایود موبدی اولما اغیار و یار
شهر علمه باب اولوبدی بو قاپی بو قاپونون گور نقدر شاگردی وار
هر بیری بیر عالمه دیندور اوزی صادق اولموش اولارا آموزگار
یوخدی منصور دیین ای بی ادب خلقته بو صادقینده نقشی وار
فانی دنیایه گوره ایتدون جفا ئولدوربسن کیمسه نی ای نابکار
گون دی بو باعثدی گویده گون چخا عالمه نوری اولوبدی انکسار
حکمران عرشیله هم فرشیدی صاحب پرچمدی دارای شعار
حکم قرآندور الینده مدرکی قامت دینی ایدوبدی استوار
امتون احوالینه آگاهیدور غملی ساعتده کیمیدی غمگسار
اختر تابنده ی ایماندور ظلمونن بو نور اولماز استتار
بو غمه قان یاش توکور موسی گوزی اهل بیتی ایله دون درده دچار
کربلانی یاده سالدی بو عزا اولدی عاشورا دوباره برقرار
شمر حسینی ئولدوروب سن صادقی هر ایکیز آلدوز اوزوزه ننگ و عار
محکمه قورسا خداوند بزرگ حکمیزی تعین ایدر گودال نار
قوزاماز باش سیزلره یاخسون علی ایله دوز زهرانی سیزلر داغدار
پرچم دین قالمیوب یرده دنی قوزیوب بو پرچمنی چوخ نامدار
انتقامه حاضر اول وار منتقم حکم قرآن واردی الده ذوالفقار
فاطمه اوغلان لارون قانین آلار کفرین اهلی تاپمویوب راه فرار
گوز یاشیلا گلمیشم بو ماتمه امت اولدی بو قاپوادا رستگار
مکتب جعفردن آل درس «رود کل» گوز یولا تیک قوتارا بو انتظار
برچسب:
نویسنده: مانی رستگار